Fleire har spurt om det eigentleg er lov å danse utan avstand etter dei nye tiltaka som kom tysdag 1. februar. Onsdag spurte vi kulturministeren rett ut på eit digitalt møte, og fekk positivt svar. Ho stadfesta at ja, det er lov å danse for både unge og vaksne i organisert fritidsaktivitet, fordi det er nødvendig for å gjennomføre aktiviteten. Dette kan ein også overføre til andre fritidsaktivitetar der ein har behov for å vere unnateke frå meteren.  

Det kom elles hint om at dei håpar å kunne fjerne ein-metersregelen om to veker, og blir det slik, vil vi også kunne starte med dansefestar og fleire andre arrangement utan avstand att. 

Merksemd i media

Nyheitsbyrået NTB fekk òg med seg at kulturrådgivaren vår Solveig kravde klart svar frå kulturministeren onsdag. Der fekk ho òg fortald at vi har over 300 lokallag som har venta på å få danse. Saka kan de lese i mellom anna VG og Dagsavisen.

"– Vi har mer enn 300 lag som er veldig glade for at det nå åpnes opp igjen, men etter i går, så var det en del spørsmål om man egentlig får lov til å danse eller ikke, sa Solveig Brekke Hauknes i Noregs ungdomslag i møtet.

– Kan vi med sikkerhet si til våre lag at de nå får lov til å danse pardans, både barna og de voksne? spurte hun kulturministeren.

– Dans i vei, det er bra!
Her kunne Trettebergstuen komme med en tydelig avklaring.

Hun viste til at organiserte idretts- og fritidsaktiviteter nå kan foregå som normalt både innendørs og utendørs.

– Ja, dere kan danse folkedans når det er fritidsaktivitet. Både barn og voksne. Og forhåpentligvis så kan alle på diskoteker og nattklubber danse så mye de vil om to uker. Så dans i vei, det er bra!", skriv NTB.

 Lurer de på noko rundt reglane som er no? Da kan de ta kontakt på post@ungdomslag.no, så skal vi hjelpe så godt vi kan!